Hurmatli patent vakillari!
       O’zbekiston Respublikasi Intellektual mulk agentligining “IP-CENTER” Intellektual mulk sohasidagi kadrlarni qayta o’qitish va mutahassislar malakasini oshirish bo’yicha o’quv markazi 2012 yil yanvar oyida patent vakillari uchun ikki haftalik malaka oshirish kurslarini tashkil etadi.
       O’zbekiston Respublikasi hamda chet ellarda sud da’volarini ko’rib chiqish va intellektual mulkni baholashni milliy va halqaro tartib bo’yicha intellektual mulk ob’ektlariga huquq olish nazariyasi va amaliyoti, muammo va yo’nalishlari muhokamasi bo’yicha ma’ruza va seminar mashg’ulotlari, davra suhbatlari o’tkazish rejalashtirilmoqda.
       Kursni samarali tashkil etish maqsadida Sizdan muhokama qilish uchun taklif etilayotgan savollar ro’yhati bilan tanishib, o’zingiz uchun qiziqarli bo’lgan mavzuni belgilab berishingizni so’raimiz. Bundan tashqari Sizga o’zingizni qiziqtirgan mavzular bo’yicha takliflar kiritish imkoniyati beriladi. Takliflar 2012 yilning 6 yanvarigacha center@ima.uz elektron pochta bo’yicha qabul qilinadi.
       Patent vakillarining malakasini oshirish bo’yicha kursning bahosi eng kam ish haqining 4 baravari miqdorini tashkil etadi.
       Muhokama uchun taklif etilayotgan savollar ro’yhati...>>

Intellektual mulk sohasidagi kadrlarni qayta o'qitish va mutaxassislar malakasini oshirish bo'yicha o'quv markazi tinglovchilar qabul qiladi
       O'zbekiston Respublikasi Intellektual mulk agentligi "IP-CENTER" Intellektual mulk sohasidagi kadrlarni qayta o'qitish va mutaxassislar malakasini oshirish bo'yicha o'quv markazi O'zbekiston Respublikasi Prezidentining "O'zbekiston Respublikasining Intellektual mulk agentligini tashkil etish to'g'risida"gi 2011 yil 24 maydagi PQ-1536-son qarori bilan tashkil etildi.
       O'quv markazi "Intellektual mulk asoslari" kursi bo'yicha malaka oshirishga tinglovchilar qabul qilishni bo’shladi. O'quv kursini tugatgan tinglovchilarga intellektual mulk sohasi bo'yicha malaka oshirilganligi to'g'risida sertifikat beriladi.
       Shuningdek O'quv markazi oliy o'quv yurtlari talabalari, mutaxassislar, huquqshunoslar, patentshunoslar va professor-o'qituvchilar uchun intellektual mulk sohasiga oid maxsus o'quv dasturlariga asosan ta'lim tadbirlarini tashkil etadi.
       O'quv markazi tashkilotlar talabiga asosan ularni qiziqtirgan dasturlar bo'yicha o'quv-tematik rejalar tayyorlaydi va ma'ruzalar o'qish uchun proffessor-o'qituvchilar tarkibi bilan ta'minlaydi. O'quv markazi faoliyatida Respublika viloyatlarining oliy o'quv yurtlari va tashkilotlarida ko'chma seminar va kurslar o'tkazish ko'zda tutilgan.
       144 soatdan iborat bo'lgan "Intellektual mulk asoslari" malaka oshirish kursi uchun eng kam ish haqining 6 baravari miqdorida haq to'lanadi. Boshqa ta'lim tadbirlari kelishilgan asosda o'tkaziladi.
       Ro'yxatdan o'tish shakli (tashkilotlar uchun)...>>
       Ro'yxatdan o'tish shakli (jismoniy shaxslar uchun)...>>
                    
       Bizning manzil: 100000, Toshkent sh., Mustaqillik shoh ko'chasi, 59
       Telefon: (998 71) 232-50-21    Faks: (998 71) 232-50-13
       e-mail: center@ima.uz